संजीवनीच्या चार अभियंत्यांची नोकऱ्यांसाठी निवड
कोपरगांव ( लक्ष्मण वावरे )
संजीवनी इंजिनिअरींग कॉलेजच्या ट्रेनिंग अँड प्लेसमेंट (टी अँड पी) विभागाच्या प्रयत्नाने दरवर्षी अनेक अभियंत्यांना नामांकित बहुराष्ट्रीय कंपन्यांमध्ये चांगल्या पगाराच्या नोकऱ्या मिळवुन दिल्या जातात. अशाच प्रयत्नांमधुन इलेक्ट्रिकल इंजिनिअरींग विभागातील अंतिम वर्षाच्या चार अभियंत्यांची कॅम्पस प्लेसमेंट ड्राईव्ह अंतर्गत बुहलर शेरलर या बेंगलोर येथिल कंपनीने आकर्षक पगारावर नोकऱ्यांसाठी निवड केली आहे.
पत्रकात पुढे म्हटले आहे की बुहलर शेरलर ही विद्युत अभियांत्रिकी मधिल कंपनी असुन ऑटोमेशन क्षेत्रात या कंपनीचे कार्य चालते. संजीवनी इंजिनिअरींग कॉलेजला ऑटोनॉमस दर्जा असल्यामुळे आधुनिक तंत्रज्ञानाचा अंतर्भाव अभ्यासक्रमात करण्यात आला आहे. यामुळे कंपनीच्या कसोटीत संजीवनीचे अभियंते सहजपणे उतरले आणि कंपनीने अभिजीत रामदास कोपरे, हर्षद शिवाजी शिंदे , श्रेयश अशोक वडणे आणि रोहीत राजाराम ताकपेरे यांची निवड केली. हे सर्व विद्यार्थी ग्रामीण भागातील असुन त्यांना नोकरी मिळाल्याने ते कुटूंबाचा आधार होणार आहे. असे दरवर्षी ग्रामीण भागातील हजारो विद्यार्थी स्वावलंबी होत असुन यामुळे ग्रामीण अर्थकारणाला चालना मिळत आहे.
