शिर्डीतील सहकार परिषदेस पारनेर पतसंस्थांचे ५०० प्रतिनिधी उपस्थित राहणार

 शिर्डीतील सहकार परिषदेस पारनेर  पतसंस्थांचे ५००  प्रतिनिधी उपस्थित राहणार 

कोपरगाव ( लक्ष्मण वावरे )

 शिर्डी येथे होणाऱ्या आंतरराष्ट्रीय सहकार परिषदेत अनेक देशांचे प्रतिनिधी सहभागी होणार आहेत. परदेशातील सहकारी पतसंस्था चळवळ भारतातील सहकारी पतसंस्थांच्या प्रतिनिधींना यामुळे माहिती होणार असून भारत देशातील सहकारी पतसंस्थांच्या एकजुटीचे दर्शन ही परदेशातील येणाऱ्या सहकारी पतसंस्थांच्या प्रतिनिधींना होणार आहे. त्यामुळे पारनेर तालुक्यातील सहकारी पतसंस्थांचे ५०० प्रतिनिधी या आंतरराष्ट्रीय सहकार परिषदेला हजर राहतील.असे प्रतिपादन नाशिक विभागीय सहकारी पतसंस्था फेडरेशन कार्याध्यक्ष व निघोज ग्रामीण बिगर शेती सहकारी पतसंस्थेचे चेअरमन वसंत कवाद यांनी केले.

महाराष्ट्र राज्य सहकारी पतसंस्था फेडरेशन आणि महाराष्ट्र शासन सहकार विभाग, असोसिएशन ऑफ एशियन कॉन्फडरेशन ऑफ क्रेडिट युनियन, फेडरेशन ऑफ मल्टीस्टेट को-ऑप. सोसायटी यांच्या संयुक्त विद्यमाने २०२५ हे आंतरराष्ट्रीय सहकार वर्ष असल्यामुळे शिर्डी येथे ९ फेब्रुवारी २०२५ रोजी आंतरराष्ट्रीय सहकार परिषदेचे आयोजन केले आहे. 

या आंतरराष्ट्रीय सहकार परिषदेच्या पूर्व तयारीसाठी महाराष्ट्र राज्य सहकारी पतसंस्था फेडरेशन अध्यक्ष ओमप्रकाश दादाप्पा तथा काका कोयटे यांच्या अध्यक्षतेखाली पारनेर तालुक्यातील जिल्हा सहकारी बँकेच्या स्व.गुलाबराव शेळके सभागृहात पारनेर तालुक्यातील सहकारी पतसंस्थांच्या प्रतिनिधींची बैठक संपन्न झाली. त्या वेळी ते बोलत होते.

       पारनेर तालुक्यातील सहकारी पतसंस्था, मल्टीस्टेट सोसायट्यांच्या प्रतिनिधींनी या आंतरराष्ट्रीय सहकार परिषदेला उपस्थित राहून आपले योगदान द्यावे. तसेच या तालुक्यातील अधिकाधिक प्रतिनिधींनी उपस्थित राहण्याचे आवाहन नाशिक विभागीय सहकारी पतसंस्था फेडरेशन अध्यक्ष वसंत लोढा यांनी मनोगतातून व्यक्त केली.

, 

त्यामुळे जिल्ह्यातील २ हजार पेक्षा अधिक प्रतिनिधी सहभागी होतील.अशी अपेक्षा व्यक्त केली.

 या वेळी महाराष्ट्र राज्य सहकारी पतसंस्था फेडरेशन संचालक वासुदेव काळे, अहिल्यानगर जिल्हा स्थैर्यनिधी संघ संचालक शिवाजी आप्पा कपाळे, नामदेव थोरात, काकासाहेब लामखडे, भिवासेठ रसाळ, बाबाजी कळसकर, शांताराम कळसकर, कान्हूर पठार पतसंस्था चेअरमन सुशीला ठुबे, गुरुदत्त पतसंस्था चेअरमन लहू थोरात, पारनेर ग्रामीण पतसंस्था मुख्य कार्यकारी अधिकारी सुभाष थोरात, नगराध्यक्ष नितीन अडसूळ, अर्जुन भालेकर, संभाजी औटी, चंद्रकांत लंके, सुदाम म्हस्के, संजय भगत, संपत निघुट, बंडू म्हस्के, दत्तात्रय औटी, संतोष तांबे, संजय औटी, बबन पावडे, निवृत्ती अडसरे आदीसह अनेक पतसंस्थांचे प्रतिनिधी मोठ्या प्रमाणात उपस्थित होते.