लखनगिरी महाराज पुण्यस्मरण सोहळा : आठवडाभर हरिनामाचा गजर
कोपरगांव समाचार ;-- दक्षिणकाशि गोदावरी नदीकाठावरील तालुक्यातील श्रीक्षेत्र कोकमठाण येथील कांचनवाडी व विभांडक ऋषी आश्रमात महान तपस्वी ब्रम्हलीन स्वामी लखनगिरी महाराज यांची विसावी पुण्यतिथी सोहळा २९ मार्च ते ५ एप्रिल दरम्यान ज्ञानेश्वरी पारायण, अखंड हरिनाम सप्ताह, किर्तन महोत्सव व विविध धार्मीक कार्यकमाने संपन्न होत आहे
या पुण्यतिथीची सांगता ५ एप्रिल रोजी सकाळी ११ वाजता ह.भ.प. श्रीकृष्णकृपांकित डॉ विकासानंद महाराज मिसाळ यांच्या काल्याच्या किर्तनाने होणार आहे.या पुण्यतिथी सोहळयानिमीत्त २९ मार्च रोजी सकाळी ८.३५ वाजता ज्ञानेश्वरी पारायण प्रारंभानिमीत्त राष्ट्रसंत जनार्दन स्वामी आश्रमाचे प्रमुख मठाधिपती प. पू. रमेशगिरी महाराज यांच्या हस्ते दीप व कलशपुजन, हभप राघवेश्वरानंद महाराज यांच्या हस्ते ग्रंथपुजन होईल.
सकाळी ११ ते १ याकाळात किर्तनकार हभप जालिंदर महाराज शिंदे (२९ मार्च) हभप हरिनाथ डंगारे (३० मार्च) हभप मनसुख महाराज दहे (३१ मार्च), हभप राहुल महाराज डुंबर (१ एप्रिल), हभप भानुदास महाराज रोहोम (२ एप्रिल), हभप बाळा महाराज आहेर (३ एप्रिल), श्री श्री १००८ महामंडलेश्वर काशिकानंद महाराज (४एप्रिल), यांचा किर्तन महोत्सव साजरा होत आहे. ५ एप्रिल रोजी सकाळी ८ वाजता स्वामी लखनगिरी महाराजांच्या मुर्तीस ब्रम्हवृदांच्या मंत्रघोषात व विधीज्ञ वसंतराव शंकरराव कपिले यांच्या हस्ते महामस्तकाभिषेक, महापुजा संपन्न होईल.या पुण्यतिथी सप्ताह काळात अखिल भारतीय आखाडा परिषदेचे अध्यक्ष महंत स्वामी शंकरानंद सरस्वती महाराज, श्री श्री १००८ गणेशानंद सरस्वती महाराज, श्रध्दानंद महाराज महांकाळ वडगांव, गोदावरी धामचे मठाधिपती महंत रामगिरी महाराज, श्री श्री १००८ महामंडलेश्वर काशिकानंद सरस्वती महाराज, गोपालनंद महाराज, जंगलीदास माउली, आचार्य भगवान शास्त्री महाराज, प. पू. भगवतानंदगिरी महाराज, गोपालनंदजी महाराज, हभप रामदास महाराज वाघ आदि संत महंत ब्रम्हलिन स्वामी लखनगिरी महाराज समाधी मंदिर स्थानावर उपस्थित राहणार आहे तरी जास्तीत जास्त भाविकांनी या कार्यक्रमासाठी तनमनधनाने सहकार्य करून किर्तन व ज्ञानेश्वरी पारायण सोहळा व महाप्रसादाचा लाभ घ्यावा असे आवाहन कोकमठाण पंचकोशीतील लखनगिरी महाराज भक्त मंडळाचे सर्व सहकारी भाविकांनी केले आहे.पंचकोशीतील संवत्सर, कोकमठाण, सडे, पढेगांव, कासली, कोपरगांव बेट, जेउरकुंभारी, जेउरपाटोदा, माळवाडी, कारवाडी, शिंगवे, कुंभारी, भोजडे आदि गावातील भजनी मंडळींनी किर्तन महोत्सव यशस्वीतेसाठी उपस्थित राहुन सेवा द्यावी
