पंचायत समितीचे माजी सदस्य उत्तमराव चरमळ यांना मातृशोक
कोपरगाव समाचार ---
कोपरगांव पंचायत समितीचे माजी सदस्य उत्तमराव चरमळ यांच्या मातोश्री गं. भा. इंदुबाई रायभान चरमळ यांचे सोमवारी सायंकाळी निधन झाले. मृत्युसमयी त्या ७५ वर्षाच्या होत्या, मंगळवारी सकाळी दहा वाजता पढेगांव येथील अमरधाममध्ये त्यांच्यावर अंत्यसंस्कार करण्यात आले. यावेळी मोठा जनसमुदाय उपस्थित होता.
पढेगांव येथील शेतकरी कुटुंबात अतिशय प्रतिकूल परिस्थितीत संसाराचा भार सांभाळताना गं. भा. इंदुबाई यांनी मुलांचा सांभाळ केला. मुलांना उच्चशिक्षित केले. आपल्या मनमिळावू स्वभावाने त्यांनी पढेगांव परिसरात एक यशस्वी गृहिनी म्हणून नावलौकीक मिळविला. त्यांच्यामागे संजीवनी साखर कारखान्याचे माजी अकौंटंट बाबासाहेब चरमळ, संजीवनी कारखान्याचे माजी शेतकी ओव्हरसियर व सटाणा साखर कारखान्याचे कार्यकारी संचालक, गणेशनगर स.सा.कारखाण्याचे शेतकी अधिकारी वसंतराव चरमळ, कोपरगांव पंचायत समितीचे माजी सदस्य उत्तमराव चरमळ, बाळासाहेब चरमळ व ज्ञानदेव चरमळ ही पाच मुले, सुना, नातवंडे असा मोठा परिवार आहे. संवत्सर येथील पत्रकार शिवाजीराव गायकवाड यांच्या इंदुबाई ह्या मावस बहीण होत्या.
पढेगांव येथील अमरधाममध्ये पार पडलेल्या अंत्यसंस्कार प्रसंगी जिल्हा परिषदेचे माजी सदस्य केशवराव भवर, गोदावरी खोरे दूध संघाचे माजी संचालक गोरनाथ शिंदे , कोपरगांव बाजार समितीचे सभापती साहेबराव रोहोम यांनी इंदुबाई यांना श्रध्दांजली वाहिली. इंदुबाई यांच्या निधनाबद्दल, संजीवनी उद्योग समूहाचे अध्यक्ष बिपिन दादा कोल्हे,गोदावरी दूध संघाचे अध्यक्ष राजेश परजणे, आमदार आशुतोष काळे, माजी आमदार सौ. स्नेहलता कोल्हे आदिंनी श्रध्दांजली वाहिली.
