कोपरगावकरांच्या अपेक्षा पूर्ण करण्यात आमदार काळे यशस्वी
कोपरगांव [ लक्ष्मण वावरे ]
. कोपरगाव शहराचा अमुलाग्र विकास आ.आशुतोष काळे यांच्या माध्यमातून या पाच वर्षात झालेला आहे. नागरिकांना विकासाच्या अपेक्षा असतात या अपेक्षा पूर्ण करण्यात आ.आशुतोष काळे यशस्वी झाले असल्याचे मत ह.भ.प.गणपत महाराज लोहाटे यांनी व्यक्त केले.
कोपरगाव शहरातील गजानन नगर भागात महायुतीचे राष्ट्रवादी कॉंग्रेस पक्षाचे अधिकृत उमेदवार आ.आशुतोष काळे यांच्या प्रचारार्थ जिल्हा बँकेच्या माजी संचालिका सौ.चैताली काळे यांच्या प्रमुख उपस्थितीत कॉर्नर सभा आयोजित करण्यात आली होती त्या प्रसंगी अध्यक्षस्थानावरुन लोहाटे महाराज बोलत होते
पुढे बोलताना लोहाटे महाराज म्हणाले की
होवू घातलेल्या विधानसभा निवडणुकीत मोठे मताधिक्य मिळणारच आहे. परंतु त्यांचे मताधिक्य एवढे असावे की, सर्वात जास्त मतांनी निवडून येणाऱ्या पहिल्या दहा आमदारांमध्ये आ.आशुतोष काळे असतील एवढ्या मताधिक्याने त्यांना निवडून द्यावे अशी अपेक्षा ह.भ.प. गणपत महाराज लोहाटे यांनी व्यक्त केली. .
यावेळी सौ.चैताली काळे म्हणाल्या की,मतदार संघातील सर्वच घटकांसाठी आ.आशुतोष काळे यांनी मोठे काम केले आहे. जीवघेण्या कोविड महामारीत एका कुटुंब प्रमुखाची जबाबदारी समर्थपणे पार पाडतांना शासनाच्या मदतीची वाट न पाहता मतदार संघातील जनतेचा जीव वाचविण्यासाठी जवळपास पाचशे ते सहाशे बेडचे कोविड केअर सेंटर उभारले. स्वत: जीवाची परवा न करता आरोग्य विभागाला सर्वोतोपरी मदत करत असतांना त्यांना स्वत:ला देखील दोन वेळेस कोविडची लागण झाली मात्र आपले कर्तव्य बजावण्यात ते मागे राहिले नाही. ज्याप्रमाणे महिलांच्या डोक्यावरचा हंडा कायमचा उतरविण्यासाठी त्यांनी दिलेला शब्द पूर्ण करून पाच नंबर साठवण तलावाची निर्मिती केली. त्याचप्रमाणे ज्या महिलांनी जीवघेण्या कोविड महामारीत आपले सौभाग्य गमविले त्या माता भगिनींना आपला तीन महिन्याचा पगार देवून त्यांचे अश्रू पुसण्याचे काम केले आहे.मतदार संघातील व कोपरगाव शहराचा झालेला विकास जनतेसमोर आहे. त्यामुळे भविष्यात विकासाबरोबरच कोपरगाव शहराचे अनेक विकास कामे आ.आशुतोष काळे यांना सोडवायचे आहेत. त्यासाठी येणाऱ्या विधानसभा निवडणुकीत त्यांना जास्तीत जास्त मतांनी निवडून द्या ते शहराच्या विकासासाठी जास्तीत जास्त निधी आणतील याचा माझ्याबरोबरच कोपरगावकरांना देखील विश्वास असल्याचे सौ.चैताली काळे यांनी यावेळी सांगितले
