गौतम पब्लिक स्कूल मध्ये ५७ महाराष्ट्र बटालियन ट्रेनिंग कॅम्प
कोपरगाव समाचार:-कोपरगाव तालुक्यातील कर्मवीर शंकरराव काळे एज्युकेशन सोसायटी संचालित गौतम पब्लिक स्कूलमध्ये केंद्र व राज्य सरकार यांच्या संयुक्त विद्यमाने सीएटीसी २०७/५७ महाराष्ट्र बटालियन एनसीसी वार्षिक ट्रेनिंग कॅम्प पार पडत आहे. या ट्रेनिंग कॅम्पमधील विद्यार्थ्यांसाठी संस्थेचे विश्वस्त आमदार आशुतोष काळे व सचिव सौ. चैताली काळे यांच्या सूचनेनुसार सर्व प्रकारच्या सोयी सुविधा उपलब्ध करून देण्यात आल्या असल्याची माहिती प्राचार्य नूर शेख यांनी दिली आहे.
सोमवार (दि.११) पासून हा ट्रेनिंग कॅम्प सुरु झाला असून बुधवार (२०) रोजी या कॅम्पची सांगता होणार आहे.अहिल्यानगर जिल्ह्यातील २८ शाळांतील इयत्ता ८ वी व ९ वी आणि १५ महाविद्यालयातील इयत्ता ११ वी व १२ वी आणि वरिष्ठ महाविद्यालयाच्या एनसीसीच्या
देशासाठी कर्तव्य आणि जागरूकता निर्माण करण्याचे काम एनसीसीच्या माध्यमातून होत असून एनसीसीच्या विद्यार्थ्यांमध्ये कोणत्याही परिस्थितीला धैर्याने सामोरे जावून त्या परिस्थितीवर मात कशी करायची हा आत्मविश्वास या ट्रेनिंग कॅम्पच्या माध्यमातून दिला जाणार आहे. प्रशिक्षण पूर्ण केल्यानंतर प्रशिक्षणार्थी विद्यार्थ्यांना प्रमाणपत्र देण्यात येणार असून ज्या ज्यावेळी आपत्कालीन परिस्थिती निर्माण होईल त्या त्यावेळी या विद्यार्थ्यांची मदत घेतली जाणार आहे. घरापासून दूर आणि मोबाईलच्या विश्वापासून दूर राहून सर्वसामान्य नागरीकांशी समरस कसे व्हायचे याचे धडे या ट्रेनिंग कॅम्पच्या माध्यमातून प्रशिक्षणार्थी विद्यार्थ्यांना दिले जात आहे. त्यामुळे गौतम पब्लिक स्कूलच्या मैदानांना एकप्रकारे सैन्याच्या छावणीचे स्वरूप प्राप्त झाले आहे. या ट्रेनिंग कॅम्पला संस्थेचे विश्वस्त आमदार आशुतोष काळे व सचिव सौ.चैताली काळे या भेट देणार आहेत. प्राचार्य नूर शेख यांच्या मार्गदर्शनाखाली गौतमचे एनसीसी सिटीओ ईसाक सय्यद सीएटीसी २०७/५७ महाराष्ट्र बटालियन एनसीसी वार्षिक ट्रेनिंग कॅम्प यशस्वीपणे पार पाडण्यासाठी परिश्रम घेत आहेत.
