शनेश्वर सोसायटीच्या अध्यक्षपदी बारगळ तर उपाध्यक्षपदी सोनवणे
कोपरगांव ( लक्ष्मण वावरे )
तालुक्यातील वडगांव येथील शनेश्वर सहकारी सोसायटीच्या अध्यक्षपदी कोल्हे गटाचे विश्वनाथ वाळीबा बारगळ तर उपाध्यक्षपदी सखाहरी विठ्ठल सोनवणे यांची नुकतीच बिनविरोध निवड झाली त्याबददल त्यांचे संजीवनी उद्योग समुहाचे अध्यक्ष बिपीनदादा कोल्हे, माजी आमदार सौ. स्नेहलता कोल्हे व सहकारमहर्षी शंकरराव कोल्हे सहकारी साखर कारखान्याचे युवा अध्यक्ष विवेक कोल्हे यांनी अभिनंदन केले आहे.
. विश्वनाथ बारगळ यांच्या नावाची सुचना दौलतराव सोनवणे यांनी केली तर त्यास रमेश कांगणे यांनी अनुमोदन दिले. उपाध्यक्षपदासाठी मच्छिंद्र बारगळ यांनी सुचना केली तर त्यास भिमराज सोनवणे यांनी अनुमोदन दिले. निवडणुक निर्णय अधिकारी म्हणून सहायक निबंधक कोपरगांव कार्यालयाचे एस. पी. नेरे उपस्थित होते. या निवडीबददल त्यांचा सत्कार करण्यांत आला.
नवनिर्वाचित अध्यक्ष विश्वनाथ बारगळ सत्कारास उत्तर देतांना म्हणाले की, माजीमंत्री स्व. शंकरराव कोल्हे यांनी सहकारी संस्थांना पाठबळ देवुन त्यामाध्यमांतुन या भागाचा विकास साधण्यांसाठी मोठे काम केले असुन तोच वसा घेवुन युवानेते, जिल्हा बँकेचे संचालक विवेक कोल्हे हे संजीवनी उद्योग समुहाचे अध्यक्ष बिपीनदादा कोल्हे व माजी आमदार स्नेहलता कोल्हे यांच्या मार्गदर्शनांखाली काम करत आहे. शनेश्वर सोसायटीच्या सर्व सभासद शेतक-यांच्या उत्कर्षासाठी जिल्हा बँक स्तरावर असणा-या विविध योजनांची अंमलबजावणीसाठी जाणिवपुर्वक प्रयत्न करू असेही ते म्हणांले. याप्रसंगी संचालक सर्वश्री. संदिप बारगळ, सौ. जानकाबाई भागवत आंधळे, श्रीमती सावित्राबाई रामचंद्र बारगळ, उत्तमराव पायमोडे आदि उपस्थित होते. कार्यकमाचे सुत्रसंचलन सचिव आण्णासाहेब निकम यांनी करून उपस्थितांचे आभार मानले. या निवडीबददल त्यांचे सर्वत्र अभिनंदन होत आहे.
