सहकारमहर्षी कोल्हे कारखान्यास 'ग्रीन वर्ल्ड को प्राईड' पुरस्कार
कोपरगाव समाचार : -- सहकारमहर्षी शंकरराव कोल्हे सहकारी साखर कारखान्याला सहकार क्षेत्रातील उल्लेखनीय कामगिरीबददल राज्याचे सहकारमंत्री नामदार बाबासाहेब देशमुख यांच्या हस्ते पुणे येथे राज्यपातळीवरील 'ग्रीन वर्ल्ड को प्राईड' पुरस्कारांने सन्माननीत करण्यांत आले. संजीवनी उदयोग समुहाचे अध्यक्ष बिपीनदादा कोल्हे, कारखान्याचे युवा अध्यक्ष विवेक कोल्हे यांच्यावतींने कारखान्याचे संचालक रमेश आभाळे व ज्ञानेदव औताडे, व्यवस्थापकीय व्यवस्थापक प्रकाश डुंबरे यांनी हा पुरस्कार स्विकारला. सदरचा पुरस्कार माजीमंत्री स्व. शंकरराव कोल्हे यांना समर्पित करण्यात आला. कार्यकारी संचालक सुहास यादव यांनी संचालक मंडळासह व्यवस्थापनाचे कौतुक केले आहे.
सहकारमहर्षी शंकरराव कोल्हे सहकारी साखर कारखान्याचे युवा अध्यक्ष विवेक कोल्हे यांनी अलिकडेच देशाचे सहकारमंत्री, गृहमंत्री नामदार अमित शहा यांच्याहस्ते देशातील पहिल्या बायो सीएनजी व पोटॅश ग्रॅन्युएल खत निर्मीती प्रकल्पाचे लोकार्पण करून सहकार क्षेत्रात नाविन्यपुर्ण कामगिरी करत आपल्या कल्पक नेतृत्वाची चुणूक दाखवुन दिली होती. संजीवनी उदयोग समुहाचे अध्यक्ष बिपीनदादा कोल्हे यांच्या मार्गदर्शनांखाली विविध रासायनिक उपपदार्थ निर्मीतीबरोबरच औषधनिर्माण क्षेत्रातही उल्लेखनीय योगदान दिले आहे. उस उत्पादक सभासद शेतक-यांच्या आर्थीक उन्नतीसाठी कारखान्यांने विविध उपाययोजना राबवत थेट शेतक-यांच्या बांधावर या तंत्रज्ञानाच्या सहाय्याने ऊस उत्पादन वाढीसाठी धडक कृती कार्यक्रम यशस्वीरित्या राबविले आहे., शेतीला पूरक उद्योग दुग्ध उत्पादनाबरोबरच मत्स्यपालनाचे काम मोठ्या प्रमाणात सुरू करण्यात आले आहे. कार्यक्षेत्रात बांबू लागवडही हाती घेण्यात आली आहे. कारखान्याचे आधुनिकीकरण करत दैनंदिन गाळप क्षमता वाढवत बारमही उद्योगावर भर देण्यात आला आहे.
आंतरराष्ट्रीय सहकार वर्षानिमीत्त पुणे येथील सहकार भवन येथे झालेल्या सहकार परिषदेत मंत्री बाबासाहेब देशमुख यांनी चळवळीसमोरील भविष्यातील आव्हाने, सहकार तत्वांचा प्रसार, व्यावसायिक प्रामाणिकता, पारदर्शकता, सामाजिक जबाबदारी तसेच शाश्वतविकास आदि विषयांवर मार्गदर्शन करत विकासमंथन केले. याप्रसंगी राज्य सहकारी बँकेचे प्रशासक विद्याधर अनास्कर, साखर आयुक्त डॉ. संजय कोलते, सहकार आयुक्त दिपक तावरे, कॉसमॉस बँक बोर्ड ऑफ मॅनेजमेंटचे अध्यक्ष मिलींद काळे, बँकेचे अध्यक्ष अॅड प्रल्हाद कोकरे, गौतम ग्रीन वर्ल्डचे अध्यक्ष गौतम कोतवाल यांच्यासह विविध सहकारी संस्था, साखर कारखान्यांचे अध्यक्ष, उपाध्यक्ष, संचालक, प्रतिनिधी मोठया संख्येने उपस्थित होते.
सहकारमहर्षी शंकरराव कोल्हे सहकारी साखर कारखान्यास मिळालेल्या या पुरस्कारबददल अनेकांनी अभिनंदन केले आहे.
