ब्राम्हणगाव येथे बालक पालक मेळावा
कोपरगाव ( लक्ष्मण वावरे )बालकांच्या बुद्धी व शरीराच्या वाढी बरोबरच आईच्या स्वास्थ्यासाठी काय गरजेचे आहे , मुलांचा मोबाईल वापर टाळणे ,त्यांचे खेळ ,शिक्षण ,आरोग्य ,संगोपन आदि विषयाचे मार्गदर्शन व्हावे यासाठी ब्राह्मणगाव चे लोकनियुक्त सरपंच अनुराग येवले व बाल विकास प्रकल्प अधिकारी सौ रूपाली धुमाळ यांच्या प्रमुख उपस्थितीत ब्राम्हणगाव येथे बालक पालक मेळावा संपन्न झाला.
सरपंच अनुराग येवले यांच्या हस्ते फित कापून व राजमाता जिजाऊ आणि शिक्षणाच्या शिल्पकार सावित्रीबाई फुले यांच्या प्रतिमेस अभिवादन व दीपप्रज्वलन करण्यात आलेला हा मेळावा एकात्मिक बाल विकास सेवा योजना येसगाव गटात येणाऱ्या अंगणवाडी शिक्षिका व मदतनीस यांच्या वतीने आयोजित केला होता. यावेळी येसगाव गटाच्या पर्यवेशिका गीता देवगुणे,कर्मवीर शंकरराव काळे सहकारी साखर कारखान्याचे संचालक श्रावण आसने ,ग्रामपंचायत सदस्य रावसाहेब शिंगाडे , सदस्य देविदास आसने ,माजी सरपंच बाळासाहेब आहेर ,माजी सरपंच शोभाताई बनकर ,तंटा मुक्ती अध्यक्ष नानासाहेब जाधव ,शालेय समिती मा अध्यक्ष बाबासाहेब जगताप ,नानासाहेब सोनवणे ,अक्षय येवले आदी मान्यवर मान्यवर व येसगाव गटातील सर्व अंगणवाडी शिक्षिका, मदतनीसह बालक व त्यांचे पालक मोठ्या संख्येने उपस्थीत होते
